|
Биз Аллоҳга дуо қилар эканмиз, агар ихлосли, итоатли, содиқ банда бўлсак, унинг Пайғамбар с.а.в. тушунтириб берган маънода ижобат қилинишига аниқ ишонамиз.
5- Дуонинг ижобат бўлиши қадарни, Лавҳул-маҳфуздаги битикни ўзгартириш дегани эмас. Яъни, дуонинг ижобат бўлишидан Аллоҳ бандасининг дуо қилишини олдин билмас эди, бинобарин, бу иш Лавҳул-маҳфузда ёзилмаганди, деган маъно чиқмайди.
Шунга кўра, Аллоҳнинг қадари азалдан Лавҳул-маҳфузга битиб қўйилган бўлса, яна қандай қилиб Аллоҳ бандасининг дуосини ижобат қилади, дейиш ҳам дуруст эмас.
Зеро, дуо ва унинг ижобат бўлиши ҳали Аллоҳ билмаган янги иш эмас. Буни қуйидагича тушунамиз:
Қадар Аллоҳнинг илмидир, Лавҳул-маҳфуздаги битикдир. Ҳамма бўладиган ишлар азалдан ёзиб қўйилган. Аллоҳ фалончининг фалон пайтда дуо қилишини билади. Агар Аллоҳ унинг дуоси мустажоб бўлишини тақдирга битган бўлса, ўшандай бўлади. Зеро, дуо ҳали Аллоҳ билмаган, Лавҳул-маҳфузга битилмаган янги иш эмас. Дуонинг мустажоб бўлиши ҳам худди шундай. Ҳамма бўладиган ишлар Лавҳул-маҳфузга битиб қўйилган. Аллоҳ ғайбни, бандасининг қандай гаплар гапиришини, қандай ишлар қилишини олдиндан билади. Ҳамма ишлар азалдан, олдиндан ёзиб, битиб қўйилган. Жумладан, банда қиладиган дуо ҳам, Аллоҳнинг хоҳиши ила унинг мустажоб бўлиши ҳам азалдан ёзиб қўйилган.
Демак, дуо ва унинг ижобат этилиши Аллоҳнинг илмидан юқоридаги ишлар эмас. Балки уларнинг қай тарзда содир этилиши Лавҳул-маҳфузга битиб қўйилган. Аллоҳ ғайбни ҳам, ғайб бўлмаган нарсани ҳам билгувчи Зотдир.
لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ
– „Осмонлар ва ердаги бир зарра мисоличалик, ундан ҳам кичик (ёки) катта бирон нарса (Аллоҳ)дан махфий бўлмас“. [34:3]
6- Аллоҳ Таоло рўза ҳақидаги оятларнинг орасида дуони баён қилди. Бир-бирига боғлиқ оятлар ўртасига дуонинг қўйилишида бир ҳикмат бор, албатта. Яъни, рамазон ойида қилинган дуонинг ўзига хос ўрни бор. У мустажоб бўлишга яқинроқ дуодир. Рўза ойи ибодат ойидир, ихлос ойидир. Рўзадор одам Парвардигорига яқин одамдир, дуоси мустажоб одамдир. Ҳадиси шарифда келади:
«ثَلاَثَةٌ لاَ تُرَدُّ دَعْوَتُهُمْ: الإِمَامُ الْعَادِلُ والصَّائِمُ حَتَّى يُفْطِرَ وَدَعْوَةُ الْمَظْلُومِ يَرْفَعُهَا اللَّهُ فَوْقَ الْغَمَامِ يَوْمَ الْقِيَامَةِ وَتُفْتَحُ لَهَا أَبْوَابَ السَّمَاءِ, وَيَقُولُ: بِعِزَّتِي وَجَلاَلِى لأَنْصُرَنَّكَ وَلَوْ بَعْدَ حِينٍ»
114-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208